ထိရောက်စွာလည်ပတ်နိုင်သော လူ့စွမ်းအားအရင်းအမြစ်ဌာနတစ်ခုသည် ကျွန်ုပ်တို့၏ကုမ္ပဏီ၏ တန်ဖိုးအရှိဆုံးအရင်းအမြစ်များနှင့် ဝန်ထမ်းများကို စီမံခန့်ခွဲခြင်းအားဖြင့် ကျွန်ုပ်တို့အဖွဲ့အစည်း၏ ဖွဲ့စည်းပုံနှင့် လုပ်ငန်းလိုအပ်ချက်များကို ဖြည့်ဆည်းပေးနိုင်သည့်စွမ်းရည်ကို ဖြည့်ဆည်းပေးနိုင်ပါသည်။ လူ့စွမ်းအားရင်းမြစ် စည်းကမ်းများစွာရှိသော်လည်း စည်းကမ်းတစ်ခုစီရှိ လူ့စွမ်းအားရင်းမြစ်စီမံခန့်ခွဲမှု ကျွမ်းကျင်သူများသည် မရှိမဖြစ်လိုအပ်သော လုပ်ငန်းစဉ်ခြောက်ခုထက် ပို၍လုပ်ဆောင်နိုင်ကြပါသည်။

လူ့စွမ်းအားရင်းမြစ်ဌာန၏ အဓိက လုပ်ဆောင်ချက် ခြောက်ချက်မှာ-

• ဝန်ထမ်းအသစ် စုဆောင်းရေး
• လုပ်ငန်းခွင်ဘေးကင်းရေး
• လုပ်ငန်းရှင်၊ အလုပ်သမား ဆက်ဆံရေးနှင့် ဝန်ထမ်းရေးရာဝန်ဆောင်မှု
• လျော်ကြေးငွေ စီစဉ်ပေးခြင်း
• အလုပ်သမားဥပဒေလိုက်နာမှု
• ဝန်ထမ်းလေ့ကျင့်ရေး

ဝန်ထမ်းအသစ်ခန့်ထားရာတွင် လူမှန်နေရာမှန်ဖြစ်စေရး

လူသစ်စုဆောင်းသူများနှင့် အလုပ်အကိုင်ရှာဖွေရေးဝန်ဆောင်မှု ကျွမ်းကျင်သူများ၏ အောင်မြင်မှုကို ယေဘူယျအားဖြင့် ၎င်းတို့ ရှာဖွေခန့်ထားပေးသော ရာထူးအရေအတွက်နှင့် ထိုရာထူးနေရာလွတ်များကို မည်မျှ မြန်မြန်ဖြည့်ဆည်းခန့်ထားနိုင်သည် ဆိုသည့်အချက်ဖြင့် တိုင်းတာသည်။ လူသစ်စုဆောင်းခြင်းနှင့် ဝန်ထမ်းဝန်ဆောင်မှုပေးသည့် ကုမ္ပဏီများနှင့် ဆန့်ကျင်ဘက်မဟုတ်ဘဲ ရုံးတွင်းရှိ လူသစ်စုဆောင်းသူများသည် အလုပ်ရှင်၏ လုပ်သားအင်အားကို ဖော်ဆောင်ရာတွင် အဓိကအခန်းကဏ္ဍမှ ပါဝင်သည်။ ၎င်းတို့သည် အလုပ်လျှောက်လွှာခေါ်ယူခြင်း၊ အခြားသော အလုပ်ရှာဖွေရေးဌာနများထံ အကြောင်းကြားခြင်း၊ လျှောက်ထားသူများကို လက်ခံကြိုဆိုခြင်း၊ ပဏာမအင်တာဗျူးများပြုလုပ်ခြင်းနှင့် နောက်ဆုံးအဆင့် ရွေးချယ်ခန့်ထားမည့်သူများအတွက် သက်ဆိုင်ရာ ဌာန၏ တာဝန်ရှိသော မန်နေဂျာများနှင့် အလုပ်ခန့်ထားရေးကိစ္စများကို ညှိနှိုင်းဆောင်ရွက်ပေးသည်။

ဘေးအန္တရာယ်ကင်းသော ပတ်ဝန်းကျင်ဖြစ်စေရန် ထိန်းသိမ်းခြင်း။

လုပ်ငန်းခွင်ဘေးကင်းရေးသည် အရေးကြီးသောအချက်ဖြစ်သည်။ ၂၀၁၉ ခုနှစ် လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေး ဥပဒေ (၂၀၁၉ ခုနှစ် ပြည်ထောင်စုလွှတ်တော် ဥပဒေအမှတ် ၈) အရ အလုပ်ရှင်များသည် အလုပ်သမားများအတွက် ဘေးကင်းလုံခြုံသော လုပ်ငန်းခွင်ပါတ်ဝန်းကျင်ကို ပေးဆောင်ရန် တာဝန်ရှိပါသည်။ လူ့စွမ်းအားရင်းမြစ်ဌာန၏ အဓိကလုပ်ဆောင်ချက်များထဲမှတစ်ခုမှာ လုပ်ငန်းခွင်ဘေးအန္တရာယ်ကင်းရှင်းရေး လေ့ကျင့်မှုကို ပံ့ပိုးရန်နှင့် လုပ်ငန်းခွင်ထိခိုက်ဒဏ်ရာရမှုနှင့် သေဆုံးမှုအစီရင်ခံခြင်းအတွက် ဗဟိုအစိုးရမှ သတ်မှတ်ထားသော မှတ်တမ်းများကို ထိန်းသိမ်းရန်ဖြစ်သည်။ ထို့အပြင်၊ လူ့စွမ်းအားရင်းမြစ်ဌာန၏ ဘေးအန္တရာယ် ကင်းရှင်းရေးနှင့် မတော်တဆထိခိုက်မှုဆိုင်ရာ ကျွမ်းကျင်သူများသည် ကုမ္ပဏီ၏ မတော်တဆ ထိခိုက်မှုကြောင့် နစ်နာခဲ့သူ အလုပ်သမားများထံ လျော်ကြေးကိစ္စများကို စီမံခန့်ခွဲရန် လူ့စွမ်းအားရင်းမြစ်ဌာန၏ အကျိုးခံစားခွင့် ကျွမ်းကျင်သူများနှင့် အနီးကပ် လုပ်ဆောင်လေ့ရှိသည်။

အလုပ်ရှင်-အလုပ်သမားဆက်ဆံရေး

တပေါင်းတစည်းထဲသော လုပ်ငန်းပတ်ဝန်းကျင်တွင်၊ လူ့စွမ်းအားရင်းမြစ်ဌာန၏ ဝန်ထမ်းနှင့် အလုပ်သမားဆက်ဆံရေး လုပ်ငန်းဆောင်တာများကို ကျွမ်းကျင်သူတစ်ဦးမှ ပေါင်းစပ်ကာ ကိုင်တွယ်နိုင်ပါသည် သို့မဟုတ် နယ်ပယ်တစ်ခုစီတွင် အထူးကျွမ်းကျင်မှုရှိသော လူ့စွမ်းအားရင်းမြစ်ဌာန၏ ကျွမ်းကျင်သူနှစ်ဦးက စီမံခန့်ခွဲသည့် သီးခြားလုပ်ဆောင်ချက်များ ဖြစ်နိုင်ပါသည်။ ဝန်ထမ်းဆက်ဆံရေးဆိုသည်မှာ အလုပ်ရှင်နှင့် ဝန်ထမ်းဆက်ဆံရေးကို ခိုင်မာစေရန်အတွက် သက်ဆိုင်သည့် လူ့စွမ်းအားရင်းမြစ်ဌာန၏ စည်းကမ်းသည် လုပ်ငန်းခွင်စိတ်ကျေနပ် ပျော်ရွှင်မှုကို တိုင်းတာခြင်း၊ ဝန်ထမ်းများနှင့် ထိတွေ့ဆက်ဆံမှုနှင့် လုပ်ငန်းခွင်ပဋိပက္ခများကို ဖြေရှင်းခြင်းတို့ဖြစ်သည်။ ဝန်ထမ်းရေးရာလုပ်ငန်းများတွင် သမဂ္ဂဖြစ်မြောက်ရေး စည်းရုံးလှုံ့ဆော်မှုများကို စီမံခန့်ခွဲမှုဆိုင်ရာ တုံ့ပြန်ဆောင်ရွက်မှုများ ဖော်ဆောင်ခြင်း၊ စုပေါင်းညှိနှိုင်းခြင်း သဘောတူညီချက်များကို ညှိနှိုင်းခြင်းနှင့် အလုပ်သမားသမဂ္ဂ စာချုပ်ဆိုင်ရာ ကိစ္စရပ်များကို အဓိပ္ပာယ်ဖွင့်ဆိုခြင်းများ ပါဝင်နိုင်သည်။

လျော်ကြေးနှင့် ခံစားခွင့်များ

ဝန်ထမ်းနှင့် အလုပ်သမား ဆက်ဆံရေးကဲ့သို့ပင် လူ့စွမ်းအားရင်းမြစ်ဌာန၏ လျော်ကြေးနှင့် အကျိုးခံစားခွင့်များကို ကျွမ်းကျင်မှုရှိသော လူ့စွမ်းအားရင်းမြစ်ဌာန၏ ကျွမ်းကျင်သူတစ်ဦးမှ ကိုင်တွယ်နိုင်ပါသည်။ လျော်ကြေးပေးသည့်ဘက်တွင်၊ လူ့စွမ်းအားရင်းမြစ်ဌာန၏ လုပ်ငန်းဆောင်တာများတွင် လျော်ကြေးငွေဖွဲ့စည်းပုံများ သတ်မှတ်ခြင်းနှင့် ဆုပေး၊ ဒဏ်ပေးစနစ်ပါဝင်သည့် လစာအကဲဖြတ် ခြင်းတို့ ပါဝင်သည်။ လျော်ကြေးနှင့် အကျိုးခံစားခွင့်ဆိုင်ရာ ကျွမ်းကျင်သူသည် အဖွဲ့လိုက် ကျန်းမာရေး အကျုံးဝင်နှုန်းများကို အာမခံ ကိုယ်စားလှယ်များနှင့် ညှိနှိုင်းနိုင်ပြီး အငြိမ်းစား ငွေစုရန်ပုံငွေ စီမံခန့်ခွဲသူနှင့် လုပ်ငန်းဆောင်တာများကို ညှိနှိုင်းနိုင်ပါသည်။ လစာသည် လူ့စွမ်းအားရင်းမြစ်ဌာန၏ လျော်ကြေးနှင့် အကျိုးခံစားခွင့်ကဏ္ဍ၏ အစိတ်အပိုင်းတစ်ခုဖြစ်သည်။ သို့ရာတွင်၊ များစွာသောကိစ္စများတွင် အလုပ်ရှင်များသည် လစာငွေအဖြစ် စီမံခန့်ခွဲရေးဆိုင်ရာ လုပ်ငန်းဆောင်တာများကို ထုတ်ယူသုံးစွဲကြသည်။

အလုပ်သမားဥပဒေ လိုက်နာမှု

အလုပ်သမားနှင့် အလုပ်အကိုင်ဥပဒေများကို လိုက်နာခြင်းသည် လူ့စွမ်းအားရင်းမြစ်ဌာန၏ အရေးကြီးသော လုပ်ငန်းဆောင်တာ တစ်ခု ဖြစ်သည်။ မလိုက်နာပါက တရားမျှတမှုမရှိသော အလုပ်အကိုင်အလေ့အကျင့်များ၊ မလုံခြုံသော လုပ်ငန်းခွင်အခြေအနေများပေါ်ပေါက် လာနိုင်ပြီး နောက်ဆုံးတွင် ကုန်ထုတ်စွမ်းအားနှင့် အမြတ်အစွန်းကို ထိခိုက်စေနိုင်သော လုပ်ငန်းခွင်အခြေအနေများနှင့် ရင်ဆိုင်ရပြီး အထွေထွေမကျေနပ်မှုများအပေါ် အခြေခံ၍ လုပ်ငန်းခွင်တွင် တိုင်ကြားမှုများ ဖြစ်ပေါ်နိုင်သည်။ လူ့စွမ်းအားရင်းမြစ်ဌာန၏ ဝန်ထမ်းများသည် အလုပ်သမားဆိုင်ရာ ပြည်ထောင်စုနှင့် ပြည်နယ်၊ တိုင်းဒေသကြီးများ၏ ဥပဒေများ၊ တရားမျှတသော အလုပ်သမား စံချိန်စံညွှန်းဥပဒေ၊ အမျိုးသားအလုပ်သမားဆက်ဆံရေးဥပဒေနှင့် အခြားစည်းမျဉ်းများနှင့် စည်းမျဉ်းများကဲ့သို့သော ပြည်ထောင်စုနှင့် ပြည်နယ်ဆိုင်ရာ အလုပ်အကိုင်ဆိုင်ရာဥပဒေများကို သတိပြုရပါမည်။

လေ့ကျင့်ရေးနှင့် ဖွံ့ဖြိုးတိုးတက်ရေး

အလုပ်ရှင်များသည် ဝန်ထမ်းများအား ၎င်းတို့၏အောင်မြင်မှုအတွက် လိုအပ်သောအထောက်အပံ့များကို ပံ့ပိုးပေးရမည်ဖြစ်ပြီး၊ ကိစ္စများစွာတွင် ဝန်ထမ်းများအား အဖွဲ့အစည်းယဉ်ကျေးမှုအသစ်သို့ ကူးပြောင်းရာတွင် အထောက်အကူဖြစ်စေရန်အတွက် ကျယ်ပြန့်သော လမ်းညွှန်သင်တန်းပေးခြင်းကို ဆိုလိုသည်။ ကျွန်ုပ်တို့၏ လူ့စွမ်းအားရင်းမြစ်ဌာနသည် ခေါင်းဆောင်မှုသင်တန်းနှင့် အသက်မွေးဝမ်းကျောင်းဆိုင်ရာ တိုးတက်မှုများကိုလည်း ပံ့ပိုးပေးပါသည်။ စွမ်းဆောင်ရည်စီမံခန့်ခွဲမှုနှင့် ဌာနအဆင့်ဆင့်ရှိ ဝန်ထမ်းဆက်ဆံရေးကိစ္စရပ်များကို ကိုင်တွယ်ပုံစသည့် ခေါင်းစဉ်များအတွက် အသစ်ခန့်အပ်ထားသော ရာထူးတိုးမြှင့်ပေးထားသော ကြီးကြပ်ရေးမှူးများနှင့် မန်နေဂျာများ၏ ခေါင်းဆောင်မှုသင်တန်းများကို စီစဉ်ဆောင်ရွက်ပါသည်။

ကျွမ်းကျင်မှု ဖွံ့ဖြိုးတိုးတက်ရေး အခွင့်အလမ်းများသည် ရာထူးတိုးအခွင့်အလမ်းများကို ရှာဖွေနေသည့် ဝန်ထမ်းများ သို့မဟုတ် ကောလိပ်ဒီဂရီတစ်ခု ပြီးမြောက်ခြင်းကဲ့သို့သော ကိုယ်ပိုင်ရည်မှန်းချက်များ အောင်မြင်လိုသော ဝန်ထမ်းများအတွက်ဖြစ်သည်။ လေ့ကျင့်ရေး အကူအညီနှင့် အဆင့်မြင့်မွမ်းမံသင်တန်းကဲ့သို့ အစီအစဉ်များသည် လူ့စွမ်းအားရင်းမြစ်ဌာန၏ လေ့ကျင့်ရေးနှင့် ဖွံ့ဖြိုးတိုးတက်ရေးကဏ္ဍတွင် ပထမဦးစားပေးမှုဖြစ်သည်။